台北知多家布丁與查理布朗雞蛋布丁

之前提過sell吉列豬扒既台北知多家，布丁竟然好食過吉豬。臨走個日買左6杯返香港，3杯柔滑布丁，即係原味﹑1杯朱古力﹑1杯伯爵茶﹑1杯紅豆。


返香港後第一杯試伯爵茶味，聞落真係幾香伯爵茶味，食落就真係伯爵奶茶咁既味。而且仲係咁滑，幾正。朱古力味唔夠朱古力，只食到「有朱古力味」而唔係「好香濃既朱古力味」，不過一樣係咁滑咁香奶味。紅豆冇試，家人話幾好味。唯一唔好既就係偏甜，台灣既野食都係偏濃味，唔敢食咁多。

除左意外發現既知多家布丁，仲買左本本旅遊書都話必買既查理布朗雞蛋布丁。個包裝好靚，淨係個盒都可能佔左成本既四份一。
　

雞蛋布丁真係用雞蛋殼裝，連個杯都慳埋，又懶有特色，呢度已經賺左兩重錢。食落蛋味濃而奶味淡，而且係有彈性個種布丁，但又唔係十分滑，麻麻地，同知多家布丁爭好遠。


知多家布丁每杯，NT$70 / HK$17.5
查理布朗雞蛋布丁每盒9隻，NT$180 / HK$45