荃灣麻酸樂（20100814）

通街都係「正宗雲南過橋米線」，究竟有幾正宗？去過雲南既都知真正既過橋米線係湯﹑米線同送分開，送係生既，湯係滾既，食既時候將送同米線淥落ｄ湯到淥熟先食得。食過咁多間「正宗雲南過橋米線」，從來冇一間係咁做法，失望。

講返麻酸樂，佢唔係賣「正宗雲南過橋米線」，只係普通米線姐。經過一兩次見佢選擇少都冇去試，有次終於試左，比想像中好。

海洋之光米線跟麻辣肉碎湯底少辣，有炸魚﹑花枝條同埋腐皮蝦卷；配菜就有生菜﹑芽菜同埋腐皮；湯底極少酸味少少辣味，除左酸辣味之外，仲有一種食唔出既香料味，食落有少少似薄荷味但又唔係，幾清新幾特別；唯一爭ｄ就係肉碎唔夠多
　

炸魚正常；腐皮蝦卷脆脆地，裡面既蝦膠真材實料幾彈牙，唔會粉多過蝦肉；可惜炸魚同腐皮蝦卷浸左落ｄ湯度淋左
　

花枝條同蝦卷一樣真材實料又彈牙，幾好


整體黎講湯底同料都唔錯，係鹹左ｄｄ，再淡返少少就好正。

海洋之光米線＋凍飲，$28