一上車發現司機同導遊係同一人，係香港咁既情況一早撞左車。上車聽司機兼導遊講左幾句就訓覺，訓下醒下咁。沿途見到既通常都係草地農場等等，真係一片廣闊既大地～
第一個景點係個爛教堂，係度影結婚相都唔錯～不過其實外面係圍住好多墳頭…
之後就去到係名信片成日見到既Poulnabrone Dolmen，係愛爾蘭其中一個巨石墓碑。愛爾蘭原來有好多巨石陣同石碑，起既時間仲早過金字塔。唔係外星人仲有邊個起到呢？
到左食晏時間就係附近一個小鎮食，個小鎮真係好小，仲要幾間餐廳得一間pub有開，跟住幾團人就迫埋係個度食。豬扒同chowder soup，都幾好食。
食飽之後就去呢個團最重要既景點，Cliffs of Moher喇。下晝先去會背光，影唔到最靚個part，不過都已經好靚喇。去親呢ｄ懸崖海岸都一定係勁大風，大風到坐係欄杆度影相都唔係好坐得穩。
當年Titanic就係沉係呢個海。面向大西洋，令我諗起Hocc既《出走太平洋》。我遊過印度洋同大西洋，但係竟然仲未遊過太平洋…不完整的心，不知能散落何處。
話說我地一路由Dublin坐車去，都係追住舊黑雲，連去到Cliffs of Moher都係一邊藍天一邊黑雲。而我地好好彩地遊完Cliffs of Moher一上車就落雨。去埋最後一個景點Bunratty Castle就返歸喇。
註：Google都唔知做乜係度改版改function，搞到ｄ排版亂晒，所以個排版同之前有ｄ唔同。
沒有留言:
發佈留言