伯爵茶朱古力蛋糕

又係伯爵茶系列，又係我最弱既甜品，通常都係好食唔好睇。

薄脆材料：薄脆片20g﹑牛奶朱古力20g﹑榛子醬10g﹑朱古力清蛋糕切片

mousse材料：鮮奶70g﹑牛奶朱古力碎170g﹑淡忌廉200g﹑伯爵茶葉4g﹑魚膠粉10g


牛奶朱古力座溶，加入榛子醬同薄脆片


朱古力清蛋糕放係蛋糕模最底，要封實個邊，再鋪薄脆朱古力醬；由於臨時買唔到清蛋糕，淨係鋪左薄脆朱古力醬，結果mousse漏晒出黎
　

鮮奶加入伯爵茶葉煮到出煙，再焗一陣等佢出味同變色，之隔走茶葉；將熱鮮奶倒入朱古力碎攪溶變成朱古力漿醬
　


魚膠粉加水座溶；淡忌廉打起，加入朱古力漿同座溶左既魚膠粉輕輕攪勻；
　

將一半mousse倒入模，鋪上清蛋糕同薄脆，再倒埋淨左既mousse，雪幾個鐘就食得


未脫模既時候好似好靚咁


原來太軟兼脫模失敗，變左一pat＿
　


食落又幾好味，可惜又係太甜。已經用黑朱古力，究竟有冇ｄ冇咁甜既朱古力架？都唔知ｄ人整到ｄ朱古力咁甜做乜。