三文魚魚生飯

終於整左計劃已久既三文魚魚生飯。原本諗住用三文魚碎＋火炙三文魚，可惜…因為火機壞左，最後只可以整三文魚碎＋三文魚剌身。

材料：三文魚剌身﹑壽司飯﹑蔥﹑芝麻﹑蛋黃醬


三文魚一部份挆碎


另一部份加蛋黃醬然後用火機燒熟表面，燒到燶燶地有油香就得。


一定要用呢種火機，如果用普通火機，ｄ火係唔可以向下燒。


但係！正當我想開火機黎燒既時候，唔知點解撻極都撻唔著，撻左好多下都只係撻到有好細火，細到點蠟燭都點唔到。撻下撻下仲搶火，我成隻手燒著左！直情誇張到好似ｄ魔術師咁成．隻．手．燒．著．左！燒到手毛都冇埋，即刻掉低個火機睇下隻手，居然冇事，淨係有幾條手毛燶左…

就係因為個火機，整唔到最重要既火炙三文魚。類似事件已經係第二次，第一次係因為唔見左個火機，原來畀左人；第二次買返個新既，點知未用就手都燒埋。要整火炙三文魚係咪咁難呀？

最後唯有就咁將ｄ三文魚放上飯面。加埋蔥同埋芝麻就完成，都算似模似樣。