伯爵荼奶凍

之前食過台北知多家既伯爵茶布丁，嚴格黎講佢似奶凍多過布丁。原來自己整都唔難，不過梗係冇人整得咁靚。

材料：淡忌廉100ml﹑伯爵茶包2個﹑鮮奶200ml﹑糖20g﹑魚膠粉1.5茶匙


伯爵茶包係Twinings，淡忌廉就用保利
　

　

先將奶﹑伯爵茶包同埋糖煮熱，等茶包出味，奶變成奶茶咁既色；唔可以煮滾，熱熱地就得；茶包出味之後隔起茶包攤凍


魚膠粉用少少暖水攪勻開至溶解，唔可以一舊舊


淡忌廉打起，加埋奶茶同埋溶左既魚膠粉攪勻；因為忌廉已經打起，要細細力攪，撈勻就得


最後倒落杯度雪凍就食得；


奶好容易起泡，所以倒落杯之前最好用ｄ比較密既隔隔下ｄ泡，咁個面就會平滑ｄ
　

食落都算滑，如果表面滑ｄ會靚好多。伯爵茶味好香，同奶味好夾，正。

伯爵茶包百佳有售，$27.x。
淡忌廉百佳有售，$19.x。