澳洲高級和牛西冷扒，好厚身，要切開先可以燒；燒完加少少海鹽就食得，完全唔使加其他調味；西冷比較韌但肉味濃
日本黑毛和牛肉眼扒，脂肪同肉既分佈好靚；一切就知好淋，切開左睇個個橫切面仲興奮；燒完之後一樣係加海鹽，食落真係好淋，擺入口咬幾下就溶晒，但係肉味就冇咁濃
日本黑毛和牛BBQ燒牛肉，已經切好同埋醃左味，當然係頭頭尾尾淨左既肉，不過肉味一樣好濃而且好淋，真係一食就知靚牛肉；可惜醃得鹹左少少，如果BBQ就咁食會太鹹，燒完送飯應該會好正
鹿兒島豚肉西冷，呢兩塊豬扒比起以上既牛肉黎講真係好平；人地話唔使搥已經夠淋，又係就咁醃少少海鹽就燒；岩岩燒熟個面既時候個樣好唔吸引，但係燒熟晒縮左水之後就靚返；食落唔係十分淋不過都可以接受，雖則好夠豬肉味，不過我覺得同普通豬扒冇乜分別，有時好彩既都會買到又平又靚既豬肉
燒野食梗係要飲酒，我唔鍾意飲酒又唔識飲酒，淨係會飲ｄ好甜既果酒，最鍾意就係呢隻士多啤梨酒
澳洲高級和牛西冷扒，$108 / g
日本黑毛和牛肉眼扒，$180 / g
日本黑毛和牛BBQ燒牛肉，$80 / g
鹿兒島豚肉西冷，$40 / g
Wine Vines士多啤梨酒，百佳有售，$33
沒有留言:
發佈留言