高雄：六合夜市（上）

高雄最出名既六合夜市，係一條唔算好長既街。大部份賣野食，有ｄ賣下精品雜貨。因為太肚餓，求其搵ｄ野食左先，試左檔炒花枝。間野主要係賣海鮮既，不過費事食得太飽，於是就咁叫少少野試下。

炒花枝，個獻好濃好大pat，花枝幾爽口，不過只屬可吃不不吃之流


之後就見到炸芝士，梗係要試下啦，有好多款揀，想食芝士味濃ｄ所以揀左cheddar。

個檔口幾靚，未炸既芝士排得整整齊齊好吸引


炸cheddar，外層幾脆而且唔會好厚粉；芝士味唔算濃，配埋個香草沙律醬幾特別，個香草醬應該係basil，加埋沙律醬酸酸地，好新奇既味道