高雄：六合夜市（下）

食完炒花枝同炸芝士，就行到去一檔好多人排隊既胡椒餅。由於胡椒餅太多人排隊，所以就試隔離既芝士薯茸餅。

芝士薯茸餅，影極都影唔到個真身，其實外表都係胡椒餅咁既樣


裡面係芝士薯茸，冇乜芝士味，不過咬開既時候都有少少芝士可以拉長；薯茸唔夠薯仔味，食食下竟然食到有ｄ椰子味


係家人排緊胡椒餅期間，過對面買左串豬肉串燒，簡直令人憤怒。串野係一早燒定但又唔係烘住，有人叫佢就係個爐度係咁易烘下，到我地手既時候都係唔熱既！食落仲要韌到咬唔開，簡直係junk food。雖則我唔覺得夜市ｄ野食有幾特別，不過真係影衰晒。之後行左陣就見到旅遊書話必食既蚵仔包，點解冇人排隊既呢？

馳名蚵仔包，外表似加大碼既炸餛飩


太大個好難先咬得開，咬開左原來係咁；配菜多過蠔仔，又冇乜蠔味，過譽喇


夜市全景；雖則六合夜市唔算長，但對我呢ｄ咁懶既人黎講要行晒都幾支力


大部份人都話台灣夜市ｄ野好好食，畀我揀我情願試多幾間特色餐廳。