首先係唔知邊度既岸邊hea下。導遊話一個好出名既作家James Joyce係附近個tower住過喎。
之後morning coffee時間，其實係去Avoca Handweavers買野…類似ｄ精品店咁，ｄ野係靚不過好貴囉。相都費事影。
之後終於都去Wicklow，經過ｄ山呀湖呀咁。冇咩特別，好彩天氣好，如果天氣唔好就真係冇野睇。個湖其實冇咩特別，又唔係藍又唔係綠，個導遊話ｄ顏色似Guinness喎。遠眺Guinness湖既時候導遊開左支Irish Whiskey畀我地飲。比想像中甜，酒味還可以接受，一飲落去成條喉嚨同個胃即刻暖晒。
晏晝又係去ｄ小鎮食，beef stew同turkey breast。仲叫左杯Irish Coffee，試下都ＯＫ，成日飲就麻麻喇，太重酒味。
食飽就去Glendalough，有個六世紀起既修道院，又係圍住ｄ墳頭。行完修道院就行陣山，上去Upper Lake。導遊話唔知邊度係拍P.S. I Love You既場景。都係個句，天氣好就咩都靚。
咁又完左一日。呢個團麻麻地，有少少hea時間既感覺。風景又真係幾靚既，但係睇得多都冇咩大感覺。
返到Dublin之後就搵野食，發覺食中餐仲平過食本地野。於是一再係Ireland食中國菜。第朝一早起身又搭返三個鐘船加五個鐘火車返Cardiff喇。
沒有留言:
發佈留言