叫左個餐，翡翠螺＋龍蝦湯＋鵝肝牛柳＋甜品；以前好鍾意食鵝肝，但係自從知道左鵝肝點整出黎之後就冇再食喇，幾年一次算啦；翡翠螺好大隻，不過我冇食；龍蝦湯好足料，裡面真係有海鮮，而且蝦味好濃，係鹹左ｄ；跟湯既蒜茸包唔夠蒜茸味，但勝在夠脆夠熱
鵝肝牛柳跟意粉，鵝肝好大塊，表面金黃香脆，裡面軟滑富油香；牛柳煎得岩岩好，好淋亦算有肉味，加埋鵝肝一齊食超級夾；配菜有煎過既矮瓜同翠肉瓜，好清新同好似好高檔咁；意粉軟硬適中，跟少少香草同炒過；可惜，除左鵝肝同埋配菜之外成碟野又係鹹左
除左鵝肝牛柳仲叫左鴨胸焗飯同埋燒羊脾扒；鴨胸焗飯初初唔熟，叫老闆娘再焗過就岩岩好，再焗個時廚房將碟飯執返好，再焗完出黎好似新煮過一碟咁，算係幾細心；燒羊脾扒唔會好羶，而且都好淋，不過又係鹹左
最後食埋個甜品木糠布甸，木糠係消化餅唔係瑪莉餅，另一種感覺又唔太甜，幾好
鵝肝牛柳餐，$148
鴨胸焗飯，$4x
燒羊脾扒餐，$128
沒有留言:
發佈留言