荃灣臺杯朱古力珍珠奶茶

當通街都係珍珠奶茶連鎖店，間間都要等幾個字先有得飲既時候，好多人都唔再著重杯茶好唔好飲，係咪真係值得等咁耐。荃灣都算開齊晒咁多間，但係一係好多人，一係就唔好飲，冇乜邊間真係值得，惟一就係呢間臺杯。臺杯唔係連鎖店，永遠唔會超過3個人等，價錢平而且質素above average，希望佢可以繼續落去。

通常我都係飲朱古力珍珠奶茶，其他店唔係冇得飲，就係珍珠要另加，起碼十幾蚊杯，根本唔值。而臺杯唔止乜都唔使加，細杯都只係$10，所以好多時經過都會買黎飲。

一飲落去飲到既係紅茶味，之後先到可可味，飲得出真材實料；珍珠外面滑裡面煙韌，有好淡好淡既甜味
　



其實臺杯除左普通既黑色珍珠之外，仲有隻五色珍珠，每隻色都用唔同既材料整成，都係ｄ蔬菜呀乜花物花之類。飲普通珍珠奶茶就會畀五色珍珠。逐粒逐粒試，真係會食到唔同既味，係清清地既花香味。可能就係因為夠平﹑質素高又有特色，所以先可以做得住。如果唔係係荃灣呢區真係好難生存。

朱古力珍珠奶茶，$10 / 細杯
珍珠奶茶，$9 / 細杯