睇完就落返去影下相，帶頭人都起左身。影左冇耐帶頭人就叫我地走喇。又騎返一個鐘駱駝出去，今次騎左隻好dun既駱駝，次次落斜都dun到我成個人彈起，搞到我鬼死咁驚捉實個扶手。騎完之後個大脾痛左兩日…
返到酒店一落駱駝帶頭人又攞ｄ野出黎想sell我地，我地話唔要就返入酒店。返到酒店坐底一陣就有早餐食。食完就沖涼執野準備坐返4×4返Fez。
上左車去到一個城市，司機話要停低洗下車，叫我地去佢個fd度坐下先喎。都知佢有ｄ古怪架喇，一入到佢個fd度，根本就係間賣手信既鋪頭，掛晒ｄ地毯係度。我地坐低左諗住唔理ｄ人，又費事眼望望等佢以為我地有興趣。不過都係逃唔過被sell既命運。坐左唔夠五分鐘就開始攤晒ｄ地毯出黎，叫我地睇下。好彩同行有人都諗住賣，就同佢地講價。一開始個價真係高到嚇死人，講左好耐先講到岩價錢，但其實我覺得都仲有ｄ貴。一張有三份二度門咁大既地毯，就由dh4200畀我地講到€80加dh20。
買完地毯，老細又帶我地睇其他工藝品，我地全部都冇買。之後司機終於返黎，出去見到架車確實係乾淨左，叫做做戲做全套啦。再開車，又去到另一個購物點，今次係賣之前係沙漠酒店見到既化石裝飾。係咁易買左一粒貝殼化石就走喇。
又一輪長途車，不停咁行。行到成三點幾先到第一日入沙漠食晏個鎮，真係餓死人。食完晏又繼續歸程。阿司機好似越揸越舞咁，又加上山路左轉右轉，真係同香港van仔一樣咁舞龍。搞到我暈車浪想嘔，惟有叫司機停埋一邊畀我抖抖。嘔又嘔唔出，又唔想係山邊唔知做乜，吸兩啖新鮮空氣就上車。雖然都係好唔舒服，不過之後ｄ路冇咁刁轉，勉勉強強終於捱到返Fez。
返到去hostel個世界仔又黎接我地，幫我地攞行李返hostel。返到佢去就話夜晚同其他住客一齊煮一齊食飯，每人dh50。我地都冇乜特別野做，就話join喇。跟住佢又問我地第二日join唔join古城tour，話係旅遊局ｄ人帶我地行Fez既古城。dh150四個人行三個鐘，另外dh50 tips，即係dh50一個人，見又唔係好貴又join埋。
當晚hostel full晒，因為我地係黎到第一日先話要再住多一日，所以其實冇房畀我地訓。於是老細就帶我地去隔離間酒店，畀左間好靚既房我地訓。老細話個間房一晚€90喎。有冇作大就唔知喇，不過每人dh150可以住間咁靚既酒店，服務仲好好添，點計都有著數。
擺低行李攤抖下又返過去hostel等開飯，點知等完又等，一等再等都仲未有飯開。呢個時候老細竟然叫我地上網review佢間hostel。真係識做生意。佢部腦係法文，個keyboard字粒又唔同位，搞左好耐先求其寫左ｄ野。好彩老細冇睇住我地搞，如果唔係就煩死。
等到九點幾十點終於開飯。成間hostel好多人，有班係天台食，我地同其他住客就係大廳食。其實都幾多野食，但係坐得好迫，仲要ｄ枱用晒黎擺野食，冇位畀人係張枱度食，所以都唔係食得好多。
食完趁住ｄ人陸續離開，我地都竄返去靚酒店。係大廳攤抖下就沖涼訓覺，真係漫長既一日…
沒有留言:
發佈留言